«Капитан Марвел»: сандық технологияның арқасында Сэмюэл Л. Джексон 25 жылға жасарады
Сандық технологияның арқасында Сэмюэл Л. Джексон («Қанішердің оққағары», «Конг: Қаңқалар аралы») «Капитан Марвелде» 25 жылға жасаратын болды. Бірнеше уақыт бұрын таспадағы оқиға 90-жылдарда өрбіп, «Кек алушылар: Мәңгілік соғыс» материалымен тығыз байланысты болатыны белгілі болған еді. Бұл әскери-әуе күштерінің ұшқышы Кэрол Денверстің (Бри Ларсон, «Әйнек сарай», «Атыс») ерекше хикаясы болмақ, ол екі ғаламшарлық тайпа Криев пен Скруллов арасындағы галактикааралық соғысқа кірісіп кетеді. Соңында ол ешкімде жоқ керемет күшке ие болады.
Marvel кинематография әлемінде Ник Фьюри рөлін Сэмюэл Л. Джексон, ал агент Фил Колсонды Кларк Грегг («Ессіздік шегінде», «Түн заңы») сомдайды. Алдыңғы жолы олардың «Капитан Марвел» жобасына қатысатындары хабарланған болатын. Marvel студиясының басшысы Кевин Файги бұл екі кейіпкердің бүкіл фильм бойы сандық жасаруға ұшырайтынын жариялаған: «Менің ойымша, мұндай мүмкіндікке ие болу керемет қой. Технологияның арқасында ештеңені бүлдіріп алмаймыз деп ойлаймын. Сэмюэл Л. Джексон қазір «Капитан Марвелге» түсіп жатыр. Ол фильм үшін 25 жылға жасарды».
«Капитан Марвел» комиксі ауқымды айналымға 2019 жылдың 7 наурызында шығады. Афишамызды қарап жүріңіздер.
пікірлер жоқ, бірінші болыңыз
Пікір қалдыру үшін