Кейт МакКиннон Дэнни Бойлдың комедиясындағы түсірілім жайлы келіссөз жүргізуде

30 Наурыз, 2018
BrodKaz
1 021
0

Актриса Кейт МакКиннон («Өте жаман қыздар», «Жаңа жылдық отырыс») әзірге жұмыс атауы белгісіз комедияның түсірілім тобына қосылу жайлы Universal студиясымен келіссөз жүргізуде. Комедияның режиссері – Дэнни Бойл («Стив Джобс» «Т2 Трейнспоттинг (Инеде 2)»), сценарий авторы – Ричард Кёртис («Болашақтан келген жігіт», «Адуынды жылқы»).

Егер келіссөз сәтті аяқталса, МакКиннон басты рөлдерге бекітілген Лили Джеймс («Күңгірт кезеңдер», «Көңілді балақай») және Химеш Пательдің қатарына қосылады. Сюжеттің көп бөлігі құпия, бірақ бұл фильм оқиғасы 1960-70 жылдарда өтетін әрекеттерге құрылған музыкалық тақырыпқа арналады. Қазіргі уақытта Кейт МакКиннонның кейіпкерінің де бөліктері ашыла қоймады.

Бойлдың келесі жобасы жайлы оның FX-қа арналған «Сенім қоры» хикаясы аяқталысымен белгілі бола бастады. Бұдан бұрын хабарлағанымыздай, Дэнни Бойл Джеймс Бонд жайлы фильмнің кезекті бөлімін түсіруі мүмкін. Бірақ, «бондиандардың» келесі жаңа бөлімімен жасыл түсті иеленсе де, Бойл бәрібір осы жазда әзірге атауы белгісіз комедияның түсіріліміне кіріседі.