Кинотавр-2018: негізгі байқауда «Үйге екі билет» ұсынылды
Ресейлік «Кинотавр» фестивалінде негізгі байқауда режиссер Дмитрий Месхиевтің («Батальонъ», «Терезедегі адам») «Үйге екі билет» әлеуметтік драмасы көрсетілді. Сценарий авторының бірі, продюсері әрі таспадағы басты рөлдердің бірін сомдаушы танымал актер Сергей Гармаш («Өрлеу», «Суық танго») болды. Жоба авторлары көптеген жаңалықтардан алыстап, әкесі мен бойжеткен қызының арасындағы қарым-қатынастың дұрысталуын баяндайтын қарапайым, адал әрі жүректі кино түсіре бастаған сияқты.
«Үйге екі билеттің» сюжеті бойынша Люба Васнецова (Мария Скуратова) мүлдем жалғыз. Ол астанадан шалғай жерде орналасқан жетімдерге арналған интернатта тұрып, тәрбиеленуде. Бойжеткеннің арманы асқақ: ол Санкт-Петербургке барып, стюардесса болғысы келеді. Интернаттан соң жаңа өмір басталып, армандары орындалатын сияқты. Люба жаңа пәтердің кілтіне ие болады. Әкесінің (Сергей Гармаш) тірі екенін білу оған жай түскендей әсер етеді. Бойжеткен іздестіріп жүріп, әкесінің анасын өлтіргені үшін түрмеде жатқанын біледі.
Режиссер Месхиев кеңес кезіндегі дәстүрден алшақ және әлеуметтік шынайылыққа, өткен уақытқа деген сағынышқа толы сапалы киноны қалай түсіреді екен. Сөзсіз, «Үйге екі билет» телеэкран алдында өз аудиториясын жинайтын болады. Таспа ірі пландары мен кейіпкерлер арасындағы ауқымды диалогтары үшін «Ресей» телеарнасының телевизиялық көрсетіліміне арналғандай.
«Үйге екі билет» солтүстіктегі үнділік конвейерлік кинематографқа ұқсас. Мария Скуратованың кейіпкері барлық жанр заңы бойынша кек алу үшін әкесін іздейді. Алайда, Месхиев үшін Любаның әкесі түрмеден шыққан соң, роуд-муви нәтижесінде пайда болатын туыстық қатынастың жасампаздық дерегі маңызды. Ақкөңіл адамдар көптеген шиеленістерден кейін, бір-біріне ашылып, қайтадан туыстық қарым-қатынас орнатуға тырысады.
пікірлер жоқ, бірінші болыңыз
Пікір қалдыру үшін