Кинотавр-2018: дебюттер байқауында «Лиза болсын» драмасы таныстырылды
Ресейлік «Кинотавр» фестивалінде дебюттер байқауында режиссер Игорь Каграмановтың «Лиза болсын» драмасы таныстырылды. «Әкелер мен балалар» тақырыбына арналған тағы бір әңгіме қоғамдағы өзекті мәселелердің бірі болып табылады. Режиссер өзіне көп жауапкершілік артып алыпр, барлығын бірден көрсетуге тырысады – ұрпақтардың дәстүрлі кереңдігімен байланысты әлеуметтік қақтығысты, мұраны адал бөлу кезінде туындайтын қаржылық мәселелерді және есейіп кетсе де ата-аналарының назарлары үшін таласатын балаларды сипаттайды.
«Лиза болсынның» басты кейіпкері Катя (Елена Махова, «Граффити») күйеуі Егормен (Виктор Потапешкин, «Маған өмір сүруді үйрет» хикаясы) және анасымен (Наталья Павленкова, «Зоология», «Жақындар») бірге ресейлік шет аймақтағы кішкентай қалада тұрады. Катя астанадан шалғай жерде қалыпты өмір сүреді, оның жанұясы күндерін күнге жалғайды, бірақ байлыққа малынған жоқ. Анасының кенеттен ауырып қалуы орын алған мәселені ушықтыра түседі, себебі мұра бойынша барлық дүние Катяның туған ағасы Артурға (Алексей Розин, «Махаббат емес», «Левиафан») өтуі тиіс. Анасының жылуына зәрі жас әйел әділдік орнату үшін барлық әдістерді пайдаланады.
Негізі, «Лиза болсын» былтырғы жылы халықаралық атаққа ие болған екі таспа - Андрей Звягинцевтің «Махаббат емес» және Кантемир Балаговтың «Таршылық» ресейлік фильмдердің желісін жалғастырады. Бірақ, Каграмановтың жұмысындағы мінез кеңге жайылады және белгілі типаждардың орнына кейіпкерлердің қатқыл мінезін көрсететін декларациялар пайда болады. Кейіпкерлерді екі лагерьге бөлген режиссер көрермендерге ойлануға уақыт бермейді және өзінің заманауи қоғамға қатысты қатал пікірін қабылдатуға тырысады.
пікірлер жоқ, бірінші болыңыз
Пікір қалдыру үшін