«Махаббат емес»: Андрей Звягинцевтің фильмі European Film Awards-та екі мәрте жүлде алды
Биыл Каннда алғаш рет көрсетілген Андрей Звягинцевтің «Махаббат емес» фильмі Еуропа киноакадемиясының екі жүлдесіне ие болды. Михаил Кричман үздік операторлық жұмыс үшін жүлдеге болса, Евгений мен Саша Гальпериндер үздік еуропалық кинокомпозитор атанды.
«Оскардан» үмітті болған «Левиафан» режиссерінің соңғы фильмі жоғалып кеткен баланы іздеуге қатысты өрбиді. Сол арқылы ресей қоғамындағы өткір әлеуметтік мәселелерді талқыға салады.
Сонымен қатар, «Махаббат емес» фильмі «Жылдың үздік еуропалық фильмі» атауына лайықты бес үміткердің қатарында тұр. Жүлделерді салтанатты түрде марапаттау Берлинде 9 желтоқсанда өтеді.
Басқа да үздік фильмдер - Рубен Эстлундтың «Төртбұрыш» қоғамдық сатирасы және Робен Кампийоның «Минутына 120 соққы» СПИД ауруымен ауыратындар туралы драмасы үздік қоюшы-суретші және фильм редакторы атанды.
пікірлер жоқ, бірінші болыңыз
Пікір қалдыру үшін