«Қызыл хабарландыру»: тұсаукесері 2020 жылдың қарашасына ауыстырылды
Галь Гадот («Әділдік одағы», «Ғажайып әйел») пен Дуэйн Джонсонның («Зәулім ғимарат», «Рэмпейдж») қатысуындағы «Қызыл хабарландыру» экшн-триллерінің тұсаукесері 5 айға, 2020 жылдың 12 маусымынан 2020 жылдың 13 қарашасына ауыстырылды. Босап қалған күнге Universal студиясының әзірге ресми атауы жоқ тұсаукесері қойылды. Одан бөлек, 2020 жылдың 12 маусымында Paramount-тың «Ох, мына балаларды-ай!» отбасылық анимациясы айналымға шығады.
«Қызыл хабарландырумен» сценарист әрі режиссер Роусон Маршалл Тёрбер («Жартылай тыңшы», «Біз – Миллерлерміз») айналысады, бұрын Дуэйн Джонсон оның бірнеше жобаларына түскен болатын. Джонсон Интерпол агентін ойнайды, оған әлемдегі көркем құндылықтардың ең танымал ұрысын ұстау тапсырмасы беріледі. Жобамен биылғы жазғы блокбастерлердің бірі «Зәулім ғимаратты» жарыққа шығарған продюсерлік топ жұмыс істеп жатыр.
пікірлер жоқ, бірінші болыңыз
Пікір қалдыру үшін