Кристиан Бэйлге АҚШ-тың ең беделді вице-президентін сомдау туралы ұсыныс түсті
Кинодагы метаморфозалары арқылы көпшілікке таныс актер Кристиан Бэйлге Paramount студиясы америка саясаткері Дик Чейниді ойнау туралы ұсыныс білдірді. Саясаткердің жарын ойнауды Эми Адамсқа жүктеді. Ал АҚШ қорғаныс минситрі Дональд Рамсфелдің рөліне Стив Карелл ұсынылды.
Байопиктің режиссері әрі жобаның сценарийін жазушы - Адам МакКей. Биографиялық фильм 2007-2008 ж.ж. ипотекалық дағдарыс кезін баяндайтын саяси-қаржылық «Игра на понижение» триллерінің жалғасы іспеттес. Приквелге Кристиан Бэйл мен Стив Карелл түсті.
Дик Чейни 4 америка президентінің әкімшілігінде жұмыс істеген. Саясаткер үлкен Джордж Буштың кезінде (1989-1993 ж.ж.) қорғаныс министрі болған, ал кіші Джордж Буш уақытында (2001-2009 ж.ж.) вице-президент болды. Дик Чейни қатаң антитеррорлық операцияларды қорғады, сондай-ақ, Ирактағы соғыстың басты себепкері болған.
пікірлер жоқ, бірінші болыңыз
Пікір қалдыру үшін