«Кристофер Робин»: Disney таспасына Қытайда тыйым салынды
Disney-дің осы аптада ресми тұсауы кесілген «Кристофер Робин» жаңа таспасы Қытайда айналымға шықпайтын болды. Мұндай қатал талап қарапайым тілмен түсіндірілді. Яғни, Винни-Пух секілді кейіпкердің суретіне тыйым салынды, себебі ол Қытай коммунистік партиясы мен оның басшысы Си Цзиньпинге қарсылықты білдіреді екен. Биылғы жылы Disney-дің фильміне екінші рет Аспан асты елдерінде тыйым салынып отыр, алдыңғы жолы Ава ДюВернейдің «Уақыт қалтарысы» таспасы осындай күй кешкен.
Ешқандай да айтарлықтай тыйымдар болған емес, бірақ былтырғы жазда билік өкілдері әлеуметтік желідегі Винни-Пухтың суретін бұғаттай бастады. Блоггерлер томпақ қонжық пен Си Цзиньпин екеуін салыстырып жатты, осылайша бүкіл Қытайдағы цензура белсенді түрде әрекетке көшті. Маусым айында қытай билігі «Өткен апта жаңалықтары» бағдарламасының шығарылымынан кейін американдық HBO арнасын бұғаттап тастады, себебі олар да Си Цзиньпинді Винни-Пухпен салыстырған.
Болжамға сәйкес, голливуд блокбастеріне салынған тыйым «Кристофер Робиннің» жалпы бокс-офисіне әсер етпеуі тиіс. Тек АҚШ-та ғана алғашқы демалыста таспа айналымнан 30 млн доллар жинайды деп күтілуде. Бір қызығы, картинаның Ұлыбританиядағы түсірілімі туралы былтырғы жылдың жазында хабарланған. Шамамен сол уақытта қытай билігі бүкіл әлемдегі сүйікті қонжыққа қарсы қатал шараларды қолдана бастаған.
Бүкіл отбасыға арналған «Кристофер Робин» айналымда. Көрсетілім кестесін афишамыздан көре аласыздар.
.jpg)
пікірлер жоқ, бірінші болыңыз
Пікір қалдыру үшін