«Шерткіш және төрт патшалық»: Disney-ден жаңа постер және хикая жайлы
Walt Disney Pictures студиясы режиссер Лассе Халльстрёмнің («Иттік өмір», «Дәмдеуіштер және құштарлық») «Шерткіш және төрт патшалық» қиял-ғажайып фильмінің жаңа постерін ұсынды.
Клараның бар арманы (Маккензи Фой, «Интерстеллар», «Қарғыс») – марқұм анасының өте бағалы сыйлығы жатқан қорапшаны ашатын әмбебап кілтті табу. Жыл сайынғы мерекелік кеште кіндік әкесі Дроссельмейер (Морган Фримен, «Барлығы енді басталады», «Әдемі түрде кету») берген алтын жіп көптен күткен кілтке апарады. Бірақ, ол біртүрлі әрі жұмбақ параллель әлемде тез жоғалып кетеді.
Дәл сол жерде Клара Филип (Джейден Фоуора-Найт, «Бірінші ойыншы дайындалсын») есімді жауынгермен, тышқандар мен регенттер бандасымен жолығады, олар үш патшалыққа: Қар ұшқыны елі, Гүлдер елі және Кәмпиттер еліне бақылау жүргізеді. Клара мен Филип зұлым Джинджер ана (Хелен Миррен, «Винчестер. Елестер салған үй», «Елесті сұлулық») басқаратын төртінші патшалықтың сынағынан өтуі тиіс. Олар сол жерден Клараның кілтін тауып, тұрақсыз әлемге үйлесімділікті қайта орнатулары керек.
«Шерткіш және төрт патшалық» фэнтезиі 2018 жылдың 8 желтоқсанынан бастап айналымға шығады. Афишамызды қарап жүріңіздер.
.jpg)
пікірлер жоқ, бірінші болыңыз
Пікір қалдыру үшін