Мадонна өзі туралы байопиктің сценарийіне қарсы шықты
Желіде Universal-дың Элиз Холландер сценарийі бойынша Мадонна туралы фильм түсірілетіні айтылып еді, әншінің өзі Instagram парақшасы арқылы дайындалып жатқан жобаға қарсылық білдірді.
Элиз Холландердің Мадонна шығармашылығына арналған сценарийі басында-ақ Universal студиясының басшылығы тарапынан қолдауға ие болған еді. Оны бірден Бретт Рэтнер («Выживший») мен Майкл Де Лука («Әлеуметтік желі») өз қолдарына алған.
Ал кейіпкердің өзі Мадоннаға сценарий мүлдем ұнамаған көрінеді. Әнші Instagram парақшасында өзі туралы шындықты тек өзі ғана білетінін, қалғандарының жалған сөйлейтінін айтып шағымданған.
Бикеш әр жазған хабарламасын түрлі эмоцияларымен түрлендіріп отырған.
Нәтижесінде, «Blond Ambition» студиясы үшін бұл мәселе күрделене түсті, өйткені Мадонна фильм авторларына өз әндерін пайдалануға тыйым салуы мүмкін. Ал бұл өз кезегінде фильм үшін құлдыраумен тең, өйткені көпбюджетті картинада кейіпкердің бірде-бір әні болмайды.
Тәжірибеге сүйенсек, студиялар танымал адамдармен жанжалдасуды құп көрмейді.
пікірлер жоқ, бірінші болыңыз
Пікір қалдыру үшін