Махершала Әлиге «Нағыз детективтің» үшінші маусымынан рөл ұсынды
Махершала Әлиге нақты қандай рөлді ұсынғаны әзірге белгісіз, дегенмен оның басты рөл болатыны анық. Актер бұрын HBO-ның «Тримей» хикаясына түскен еді. Сонымен қатар, ол Netflix-тің «Картадан жасалған үйшік» және «Люк Кейдж» хикаяларында рөлдерді сомдаған.
«Нағыз детектив» хикаясы 2014 жылы нағыз хитке айналған еді. Алғашқы маусымына Мэттью МакКонахи мен Вуди Харрельсон қатысқан болатын.
Алайда, екінші маусымы аса табысты бола қоймады. Сондықтан, жоба біраз уақыт тоқтап тұрған еді. Дегенмен, қазіргі таңда актерлармен келіссөздердің жүргізілгендігі үшінші маусымның түсірілетінінің айғағы.
Махершала Али биылғы жылы «Айдың жарығы» драмасындағы рөлі үшін «Екінші қатардағы үздік рөлі» номинациясы бойынша «Оскар» жүлдесін иеленген.
пікірлер жоқ, бірінші болыңыз
Пікір қалдыру үшін