Машин Ган Келли танымал барабаншы Томми Лидің рөлін сомдайды
Машин Ган Келли лақап атымен танылған Колсон Бэйкер 80-ші және 90-шы жылдардағы танымал топ Motley Crue-дің барабаншысы Томми Ридің рөліне таңдап алынды. Түсірілімімен Netflix айналысып жатыр, Motley Crue тобының өмірбаянын суреттейтін фильм «Лас» атауына ие болды. Машин Ган Келли 2016 жылы шыққан «Вирус» және «Жүйке» фильмдері, сондай-ақ «Іссапаршылар» хикаясы арқылы танымал.
Байопиктің түсірілімін Джефф Треймейн («Төзімсіз ата», «Ғажайыптар») басқаратын болады. «Лас» фильмінің сценариін 2001 жылы шыққан «Лас: әлемдегі ең танымал рок-топты тану» автобиографиялық кітабының негізінде Рич Уилкс («Үш икс») пен Том Капинос («Қаңғыбас Калифорния» хикаясы) жазады. Motley Crue тобының мүшелері жобаның қосалқы продюсерлері болмақ.
Motley Crue тобы Лос-Анджелесте құрылып, алғаш рет 1981 жылы «Too Fast for Love» атты альбомын жарыққа шығарды. Motley Crue өз шығармашылығында хард-рок, хэви-метал және глэм-рокты біріктіріп, альбомның әлем бойынша 100 миллион көшірмесін сатты.
пікірлер жоқ, бірінші болыңыз
Пікір қалдыру үшін