Микки Маус 90 жылдығын тойлауда
Микки Маус өзінің үлкен экрандағы дебюті «Вилли кемесі» анимациялық фильмінен кейін (18 қараша 1928 ж.) бүкіл әлем бойынша Disney компаниясының басты бейнесі болып табылады. Кезіндегі «Микки Маус клубы» танымал бағдарламасынан бастап, заманауи қысқаметражды анимациялық фильмдерге дейін Микки күн сайын әр елдердегі жанкүйерлерін шабыттандырып келеді.
Салтанатты шаралар 2018 жыл бойы өткізілетін болады! Атап айтқанда, эксклюзивті сән көрсетілімі, ABC телеарнасындағы жаңа телевизиялық жоба, Disney курорттары мен саябақтарындағы арнайы шаралар және т.б. көптеген мерекелік бағдарламалар өтеді. Кез келген адам әлеуметтік желі арқылы #Mickey90 арнайы хэштегін қолдана отырып, Микки Маусты Туған күнімен құттықтай алады.
Туған күнді тойлау 7 наурыз күні «The Happiest Show on Earth» топтамасының сәнді көрсетілімімен басталады, бұл топтаманың идеясы Миккиге тиесілі, ал оны Opening Ceremony компаниясының негізін қалаушылар Кэрол Лим мен Умберто Леон жүзеге асырды. Бұл шоу бренд үшін Көктем 2018 маусымының негізгі топтамасы болмақ, оны бүкіл әлем бойынша Opening Ceremony көктемгі топтамасымен қортындылайды. Топтаманың жартысы көрсетілімнен соң бірден shopDisney.com, OpeningCeremony.com сайттарында және Opening Ceremony дүкендерінде сатылымға шығады. Коллаборацияның қалған киімдері қарашада сатылмақ. Сонымен қатар, көрсетілімде жақында Голливудтағы Жұлдыздар Аллеясында жеке жұлдызға ие болған Минни Маус та болады.
Disney және Opening Ceremony коллаборациясы Микки Маусқа арналған бүкіл әлемдегі поп-мәдениеттің символына айналған «Mickey the True Original» атты сәнді топтаманың алғашқы бөлігі атанбақ. Кампания түрлі сәнді брендтермен серіктестік орнату арқылы, сондай-ақ Миккидің өткендегі, қазіргі және болашақтағы рөлін айқындайтын ақпараттық материалдар мен оқиғалардың көмегімен жүзеге асырылады.
The Walt Disney Company-дің Қазақстан аумағындағы ресми өкілі - Meloman Entertainment компаниясы.
пікірлер жоқ, бірінші болыңыз
Пікір қалдыру үшін