Джеймс Бонд жайлы 25-ші фильмнің түсірілімі жыл соңына белгіленді
Джеймс Бонд жайлы 25-ші фильмнің түсірілімі 2018 жылдың желтоқсанына белгіленді. Алдыңғы жолдары жобаланғандай, бұл таспаның режиссері Дэнни Бойл («Инеде», «Жағажай») болмақ. Әйгілі тыңшының рөлін бесінші рет Дэниэл Крэйг («Логан сәттілігі», «Айдаһар бейнесін денесіне салдырған қыз») ойнайды. Сонымен қатар, франшизаның жаңа бөлімінің ресми тұсауы кесілетін күн белгіленді – АҚШ-та 2019 жылдың 8 қарашасы және Ұлыбританияда 25 қазан.
Бірнеше ай бойы Дэнни Бойл тұрақты қосалқы авторы, сценарист Джон Ходжбен («Таяз қабір», «Үйреншікті емес өмір») бірге «бондиана» продюсерлері Майкл Дж. Уилсон мен Барбара Брокколиге ұсыну үшін жаңа экранды хикаямен айналысты. Дегенмен, бастапқыда Бонд жайлы 25-ші жобамен «007: СПЕКТР» және «007: «Скайфолл» координаттары» арқылы танылған франшиза ардагерлері Нил Пёрвис пен Роберт Уэйд жұмыс істейді деп жоспарланған. Аталмыш дуэт жоба сценарийін аяқтаған, бірақ Бойл өз идеясымен Уилсонмен және Брокколимен бөліскен соң, сценарийді қарастыру тоқтатылған. Продюсерлерге Ходждың Бонд жайлы жазған хикаясы қатты ұнаған секілді.
.jpg)
пікірлер жоқ, бірінші болыңыз
Пікір қалдыру үшін