«Ерсі ұсыныс»: Эрин Крессида Уилсон жаңа сценарий дайындап жатыр
Paramount студиясының сценаристі Эрин Крессида Уилсон («Пойыздағы бойжеткен», «Винил» хикаясы) «Ерсі ұсыныс» экранды хикаясының жаңа нұсқасымен жұмыс істейтін болды. 1993 жылғы түпнұсқа триллер өндірістік бюджеті 37 млн. бола тұра, айналымда 266 млн доллар табыс тапқан. Бұл жоба «Әшкерелеу» және «Негізгі түйсікпен» қатар, 90-жылдардың басында R категориясында болды, яғни тек ересектер аудиториясына арналған жоғары ересектер рейтингіне жобаланды.
Режиссер Эдриан Лайн түсірген 1993 жылғы «Ерсі ұсыныста» Роберт Редфорд («Алаяқтық», «Буч Кэссиди және Сандэнс Кид»), Деми Мур («Елес», «Бірнеше жақсы жігіттер») және Вуди Харрельсон («Эббинг шекарасындағы үш билборд, Миссури», «Жеті өмір») сынды жұлдыздар ойнаған. Картина сюжеті бойынша жас жұп (Деми Мур мен Вуди Харрельсон) бай миллионерден (Роберт Редфорд) нағыз ерсі ұсыныс алады, яғни Деми Мурдың кейіпкері Дайанамен бір түн өткізу үшін 1 млн доллар беретінін айтады. Жастар істі аяқтап, уәде етілген сыйлыққа ие болады, бірақ сол түннің әсері жастардың қарым-қатынасына кері әсер ете бастайды.
.jpg)
пікірлер жоқ, бірінші болыңыз
Пікір қалдыру үшін