Ник Нолти мен Мэтт Диллон Тиль Швайгер фильмінің американдық ремейкіне шақырылды

20 Наурыз, 2018
Мадина
704
0

Ник Нолти («Лоренцо майы», «Руанда» қонақ үйі») және Мэтт Диллон («Қақтығысу», «Ержүрек балық») 2014 жылғы Тиль Швайгер фильмінің ағылшын тілді ремейкі «Бастағы бал» драмалық комедиясында әке мен баланың рөлін сомдайды. Нолти басты рөлді ойнайды. Оның кейіпкері – Альцгеймер ауруына шалдыққан адам. Ол ауруымен күресіп, 50 жыл некеде болған әйелінің қазасынан кейін, өзін-өзі барынша сабырлы ұстауға тырысады. Алғашында рөл Майкл Дугласқа арналған. Фильмнің немістік нұсқасында Амандус Розенбахтың рөлі комедия аңызы Дитер Халлерворден сомдаған болатын.

Сюжет бойынша Диллон Нолттың ұлы болады, ол Америкада дүниеге келіп, ересек шағын Англияда өткізіп жатыр. Диллон кейіпкері бұрынғы әйелімен (Эмили Мортимер, «Шарп қылышы», «Қымбатты Фрэнки») бірге қыз тәрбиелеп отыр. Атасы немересімен бірге Венецияға барып қайтуды ұйғарады, бірақ оның жағдайы лезде нашарлай түседі. Тиль Швайгер Германияда 90 миллион доллар жинаған түпнұсқа фильмде ұлын ойнаған. «Бастағы балдың» ағылшын тіліндегі нұсқасының түсірілімі мамырда басталып, Германия, Италия және Ұлыбритания аумағында өтеді. Фильмнің жаңа сценарийін Джоджо Мойес («Сенімен кездескенше») жазды.