Николь Кидман #MeToo қозғалысының әйелдер мен ерлерге неліктен алға ұмтылуға көмектесетінін айтып берді
Торонтодағы халықаралық фестивальде Николь Кидман Variety журналистеріне өзі белсенді қатысушысы болып табылатын, қазіргі таңда үлкен күшке ие болып келе жатқан #MeToo қозғалысы жайлы айтып берді. «#MeToo әйелдер үшін ғана емес. Бұл - құрмет, теңдік пен адалдықты ту еткен үлкен қозғалыс. Адамдар жынысына қарамастан, алға қарай ұмтыла алады», - деді актриса.
Режиссер Карин Кусама («Талқандаушы», «Миллиардтар» хикаясы) да осы тақырыпқа қатысты өз пікірін білдірді: «Біз дауысымыздың естілуі үшін алғашқы шайқаста жүрміз. Мұның өте қажет екенін де сеземіз, себебі бұл ылғи алдымыздан шыға беретін жеке әрі шығармашылық шынайылық. Бірақ, өз мақсатымызға жетіп, алда бізді үлкен іс күтіп тұр деп ойлаймын».
Торонтода «Талқандаушы» тұсаукесерінде Николь Кидман Голливудтағы әйелдердің жағдайына қатысты ашық пікір білдірді. Ол Мэрил Стрип, Джуди Дэвис және Изабель Юппер сынды көптеген әйел актрисалардың киноөндірістегі жаңашыл адам екендігін айтты. Сондай-ақ, Кидман Голливудқа жаңа жобаларда шынайы қызықты әйел кейіпкерлердің жетіспейтіндігін алға тартты.
.jpg)
пікірлер жоқ, бірінші болыңыз
Пікір қалдыру үшін