Николь Кидманға «Талқандаушы» фильмінде жаңа актерлар қосылды
Татьяна Маслани («Алтындағы әйел», «Ант») және Себастьян Стэн («Бірінші кек алушы», «Қара аққу») «Талқандаушы» триллерінде Николь Кидманға қосылады.
Фильм режиссері Карин Кусама («Миллиардтар» хикаясы, «Тоқта және күй») Лос-Анджелестегі заманауи өмір туралы фильм түсіріп жатыр. «Талқандаушы» негізіне Фил Хэйдің («Майамидегі міндет», «Ессіз әрі сұлу») және Мэтт Манфредидің түпнұсқалық сценарийі арқау болған. Жобаны толығымен 30WEST қаржыландырады. Картинаға Хэем мен Манфредимен бірге Фред Бергер («Ла-Ла Ленд», «Іштегі жын») продюсерлік етеді, олар Фил Хэйдің әйелі Кусаманы да шақырған.
«Талқандаушы» хикаясы Лос-Анджелес полиция департаментінің детективі Эрин Белл (Николь Кидман) айналасында өрбиді, ол кезінде жас полицей ретінде Калифорния шөл даласында қылмыскерлер құрамына құпия түрде еніп кеткен болатын. Бұзақылар көп жылдан соң Эриннің өмірінде қайта пайда болады. Ол өткен өмірінің астан-кесеңін шығарған жындардан өш алу үшін, тірі қалған қатысушылардың көмегімен қылмыскерлер тобына қайта қосылуды көздейді.
пікірлер жоқ, бірінші болыңыз
Пікір қалдыру үшін