Николас Виндинг Рефн: «Біз антиутопиялық реалити-шоудың ішінде өмір сүреміз»
Даниялық режиссер Николас Виндинг Рефн («Неонды жын», «Драйв») сәрсенбі күні The Guardian-ге бір эссе жариялады, ол жақта АҚШ секілді антиутопиялық мемлекет жайлы өз пікірін білдірген.
«Бұл өмір үшін қорқынышты уақыт. Мен өткен алты ай ішінде Америкада «Жас болып өлуге тым қартпын» хикаясын түсірдім, сол кезде біздің антиутопиялық реалити-шоуда өмір сүріп жатқанымыз күннен-күнге анық байқалды. Америка ылғи бояуларды жақсы пайдаланады, ал қазір оның қолында Дональд Трамп бейнесіндегі ессіздік жарғышы бар. Бұл истерияны жаңа биікке көтерді», - деп жазды Рефн.
Әрі қарай былай жалғады: «Бұл сұмдық. Бұл қатты алаңдатады. Күнде болып жатқан оқиғалардан есімізді жинай алмай жатамыз, американдық өмір сүру деңгейі жеке әкімшіліктің кесірінен бұзылып жатыр, барлығымыз соның тұтқыны болып, жәй ғана қызықтап жүрміз. Бұл тарихтағы өте әсерлі кезең. Біз жайлы аймақтан шығып үйреніп, Батыста бар нәрседен – тыныш өмірден кетуіміз керек».
Николас Виндинг Рефн ерекше мәдениет арқылы қиын кезеңдерді түсінуге болатыны жайлы пікір білдірді, сондықтан ол ByNWR сайтын ұйымдастыруда, ол жақта көркемдік әрекетке және арандатушылыққа итермелейтін фильмдер болады.
.jpg)
пікірлер жоқ, бірінші болыңыз
Пікір қалдыру үшін