«Тақтардың ойыны» хикаясының жаңа рекорды
The Verge ресурсының хабарлауынша, әйгілі «Тақтардың ойыны» хикаясы жетінші маусымының соңғы эпизодын 16 миллионнан астам көрермен тамашалаған екен.
Көрермендердің жартысынан көбі, яғни 12,1 миллионы «Айдаһар мен Қасқыр» атты соңғы бөлімін HBO телеарнасынан, ал қалғандары басқа онлайн-қызметтерінен көрген.
Бұл «Тақтардың ойыны» хикаясының ғана жаңа рекорды емес, бүкіл маусымның жеңісі. Өйткені, AMC телеарнасының бұрынғы «Кезбе өліктер» хорроры соңының үздігі 11,35 миллион көрерменге ие болған еді.
Оның үстіне, «Тақтардың ойынының» «Айдаһар мен Қасқыр» атты бөлімі хикая тарихындағы ең ұзақ бөлім атанды, оның хронометражы 80 минутты құрайды.
Маусым аяқталғанымен, HBO өз жанкүйерлерін жоғалтпай, арнайы жобада «Тақтардың ойыны» жаңа маусымының түсірілімімен бөлісіп отырады.
Хикая 2011 жылдан бері HBO арнасынан түспей келеді.
Бұл - арнаның флагман-жобасы. Оның негізіне американдық жазушы Джордж Мартиннің «Мұз бен алау жыры» кітаптар желісі арқау болған.
пікірлер жоқ, бірінші болыңыз
Пікір қалдыру үшін