Нұрлан Қоянбаев Qazaqstan телеарнасынан кетті
Нұрлан Қоянбаев Qazaqstan телеарнасының бас продюсері және «Түнгі студия» бағдарламасының жүргізушісі қызметінен кетті. Бұл туралы Қоянбаев өзінің Instagram парақшасы арқылы хабарлады.
«Әр нәрсенің өз дәуірі, өз уақыты, өз сәті болады. Ештеңе де мәңгі емес!.. Түнгі студия - менің өмірімде өзіндік орны бар, өзіндік ерешелігімен есте қалған жоба болды. Осы жылдар аралығында менімен бірге болған, бірге түсірілім жұмыстарына қатысып, талай еңбекті атқарған барлық әріптестеріме, бар жанашыр жандарға шын жүректен алғысымды білдіремін! Қош бол, «Түнгі студия»!...
Бір жаңа есіктің ашылуы үшін - өзге есікті жабуға тура келеді. Алда жаңа белестер, жаңа биіктік, жаңа қадам, бәрі жаңаша!» (мәтін қысқартылған – ред.), - деп жазған Нұрлан Қоянбаев.
«Түнгі студия» бағдарламасының жаңа жүргізушісі болады, оның есімі жақын арада белгілі болмақ.
Нұрлан Қоянбаевтың айтуынша, өзін толығымен кино саласына арнау үшін телевизия саласынан кетуге тура келген. Ол комедиялық фильмдерді түсіруді жалғастырмақ ниетте.
Еске сала кетсек, продюсер соңғы екі жылда «Қазақша кәсіп», 2017 жылдың ең кассалық таспасы атанған «Қазақша кәсіп Америкада» және «Таиландтағы демалыс» атты үш картинасын жарыққа шығарған болатын.
пікірлер жоқ, бірінші болыңыз
Пікір қалдыру үшін