Нұрлан Әлімжанов Әйгерім Қалаубаева екеуінің қарым-қатынасы жайлы айтып берді

21 Қазан, 2018
BrodKaz
3 372
0

Актер әрі әнші Нұрлан Әлімжанов «Түнгі студия» бағдарламасында қонақта болып, шығармашылығы мен жеке өміріне қатысты сұрақтарға жауап берді.

Әртістің айтуынша, ол қырғыз режиссерінің «Барыс» фильмінде басты рөлдердің бірін сомдауды жоспарлап жүр. Картина браконьерлік тақырыбын қозғайды.

Былтырғы жылдың желтоқсанында Нұрлан мен әнші Әйгерім Қалаубаева «Екеуміздің әніміз неге бөлек?» әніне бейнебаян түсіріп, ғашқтардың рөлін сомдаған еді. Шоу жүргізушісі екеуінің шынайы өмірде де кездесіп жүрген-жүрмегеніне қатысты сұрақ қойды, ал актердің жауабы мынадай болды:

«Екеуімізді тек достық қарым-қатынас байланыстырады. Екеуіміз студенттік кезден бері доспыз және бір-бірімізге тек жақсылық тілейміз. Әйгерім кейде шығармашылығым мен образыма қатысты сын айтып, жақсы кеңестер береді».

Еске салсақ, Нұрлан Әлімжанов «Ағайындылар» хикаясынан кейін танымалдылыққа ие болды. Кейін ол «Балалық шағымның аспаны», «Елбасы жолы: Отты өзен. Темір тау», «Тығырықтан жол тапқан» атты Нұрсұлтан Назарбаев жайлы фильмдерге түсіп, ҚР президентінің рөлін сомдады.

Превью: Нұрлан Әлімжановтің жеке Instagram парақшасынан