Пол Томас Андерсон келесі фильмін 600 беттік сценариймен түсіруді армандайды
Пол Томас Андерсон («Елесті жіп», «Табиғи табалдырық») келесі фильмін 600 беттік сценариймен түсіруді армандайды. Режиссер әлі де өз жанкүйерлерін таңқалдыруға дайын және ол өзінің картиналарын бір ғана жанрда түсірмейді, оның көзқарасы мен кейіпкерлері әр фильмде түрліше өзгеріп отырады. Андерсон жақында ғана берген сұқбатында «Елесті жіп» фильмі мол табысқа ие болып, көптеген жүлделерді иеленген соң, өзінің қандай жобамен айналысатынын хабарлаған болатын.
Оның сөзінше, ол қазір құбыжықтарды үйретуге тырысып жатыр. Андерсон көлемі жағынан ауқымды сценарий жазды және одан қазір немен айналысып жатырсыз деп сұрағанда, мына әпсана мәтінге қайта оралады: «Мен өзім жазған 600 беттен бір нәрсе шығаруға тырысудамын. Енді мен көлемді жазбаның қысқартуға тұрарлық тұстары бар ма деп ойланудамын». Бірақ, шынымен де, мұндай көлемді сценарийді қалай екі сағаттық фильмге айналдыруға болады?
Режиссер былай деп түсіндіре кетті: «Мен бұл мәселеге шығармашылық тұрғысынан қараймын және өзіме қызық әрі ұзақ уақыт айта алатын оқиғаны ғана көрсетуге тырысамын. Біз тағы да алты жүз бетке қайта оралатын болсақ, бұл күрделі жол, солай емес пе? Сіз жұмыс істеп, ойланған кезде бір нәрсені көре бастайсыз: жақсы, бұл тәуір идея, мүмкін, мен осы оқиғаны жалғастыруым керек шығар? Сондай-ақ, сіз екі сағаттан кейін алтын уақытыңызды пайдалы әрі құнды іске жұмсағаныңызды білетін боласыз».
.jpg)
пікірлер жоқ, бірінші болыңыз
Пікір қалдыру үшін