«Соңғы жауынгер»: айналым рекорды

29 Қараша, 2017
Мадина
988
0

Өткен аптаның нәтижесі бойынша Disney және Yellow, Black and White-тың «Соңғы жауынгер» фильмі бұрын-соңды Ресей мен ТМД елдеріне айналымға шыққан Ресей өндірісіндегі картиналарының арасындағы ең жоғарғы касса жинаған туынды атанды.

«Мен айналым тарихында ресейлік фильмнің, яғни «Соңғы жауынгер» отбасылық ертегісінің ең көп касса жинағаны үшін қуаныштымын» - деді Ресейдегі сөзінде Disney компаниясының бас директоры Марина Жигалова Озкан. «11 жыл бұрын Disney ресейлік кеңсесін ашқанымызда, кинотеатрларға осы жанрдың сұранысқа ие болатынын айтып, көндіруге тура келген еді. Фильм көруге келген барша көрермендерге шексіз алғысымды білдіремін. Барлығымыз ресейлік отбасылық киноның сұраныста екенін дәлелдедік! Ертегіге сенгендеріңіз үшін көп рахмет!».

«Ресей киноайналымы тарихында ең көп касса жинаған фильм ретінде танылғанымызға қатты қуанамыз.»,-деді Yellow, Black and White компаниясының бас продюсері Эдуард Илоян. «Ертегімізді түсіруге атсалысқан барша жандарға, әсіресе серіктестеріміз – Disney компаниясына, Yellow, Black and White сценаристеріне және авторлық топтың жетекшісі Виталия Шляппо, сондай-ақ бірнеше хитті бірге жасаған режиссёр Дмитрий Дьяченкоға алғысымды білдіремін. Көрерменнің жұмысымызды лайықты бағалағаны үшін бақыттымын».

Осылайша, 19 қазан мен 26 қараша аралығында «Соңғы жауынгер» ертегі хикаясының жалпы жинағы Ресей мен ТМД аумағында 29,1 миллион АҚШ долларын құрады. Қазақстан аумағында - 185 216 537 теңге (560 600 АҚШ доллары).

Disney мен Yellow, Black and White-тың «Соңғы жауынгер» фильмі Ресей мен ТМД елдерінде кең айналымға шыққан көркем және анимациялық фильмдердің арасында ең көп касса жинаған туындылар рейтингісінде 12 орынға ие болды.

Фильмнің Қазақстандағы ресми таратушысы - Meloman Entertainment компаниясы.