«Кешіріңдерші бізді, балалар...» Нұртас Адамбай мен Санжар Мәди Кемероводағы қайғылы оқиғаға қатысты пікір білдірді
Ресейлік Кемерово қаласында болған өрт БАҚ пен қоғамды дүрліктірді. Киноқайраткерлердің арасында Нұртас Адамбай оқиға құрбандарына көңіл айтып, кейбір отандастарымыздың болған оқиғаға қатысты бей-жайлығына таңданысын жасыра алмады.
«Кемерова қаласында тірідей жүздеген адам жанып кетті, оның көпшілігі – балалар! Мен жазылған адамдарға дәл бүгін парақшаларына әндерді, бейнебаяндарды, әзілдерді, спортзалдағы суреттерді, тағамдар мен жарнамаларды салу соншалықты маңызды болғаны ма? Сіздер қалайша біреудің қайғысына бей-жай қарай аласыздар?
Иә, бұл жағдай біздің елде орын алған жоқ және біздің басымыздан өткен жоқ. Бірақ, олар қарапайым өмір сүріп жатқан бейбіт адамдар еді ғой! Біз бен сіз сияқты! Ол жердегі балалар кинотеатрға қамалып, үлкендерді көмекке шақырған және өздерінің өлетінін біліп, ата-аналарына хабарласып, қоштасып қалған!
Ал сіздер өздеріңіздің әзілдеріңізбен, әндеріңізбен әлексіздер. Бұл масқара. Бұдан басқа сөзім жоқ (Орфография және пунктуация сақталған. – Ред. алқ.)»,- деп жазды Инстаграм желісінде Нұртас Адамбай.
Кемероводағы қайғылы жағдайға қатысты актер Санжар Мәди де өз пікірін білдірді. Ол өзінің Фейсбуктегі парақшасында жемқорлық пен оның салдары жайлы ойларымен бөлісті.
«Біз жемқорлықтың не екенін туылмай жатып білеміз. Перзентхананы және қолымыз жететін дәрігерлер мен бөлмелерді де таңдаймыз, тіпті, басқасын айтпағанның өзінде, балаға зиян келмеуін де ақшамен шешеміз.
Әрі қарай жолымыз болып, өмір сүріп кетсек, балабақша іздейміз. Қай жерде тегін балабақша бар және балаларды қабылдауға дайын, айтыңыздаршы?! Өтіндіңіз, кішкентай тентекті ақыры қабылдады. Міне, кішкентай жеңіс.
...Содан кейін жүргізуші куәлігі, сосын әскерден «құтылып» кету, оқуға тапсыру, алғашқы емтиханда да топпен жинау керек, алғашқы жол полициясы, сосын екіншісі, қалтаңнан есірткі тауып алса да бос жібермейді. Бұл тізім шексіз, тіпті, кейін біз болмаған кезде, біреулер зираттан орын табу үшін де «ақы төлейтін» болады.
Мұны неге айтып отырмын? Бұл Кемероводағы оқиғаның әсерінен туындаған ойлар. Өзімді жаман сезініп тұрмын, кез келген мұндай ой қайғыға айналады. Бұған бәріміз де кінәліміз. Біз бұл жүйеге үйреніп кеттік және оған өзіміз жол береміз. Кешіріңдер бізді, балалар... (Орфография және пунктуация сақталған. – Ред. алқ)»,- деп ойымен бөлісті актер.
Естеріңізге сала кетейік, 25 наурыз күні Батыс Сібірде орналасқан Кемерово қаласында «Қысқы шие» сауда орталығы өртенген болатын. Ресми деректерге сәйкес, 64 адам қаза тапты, оның 41-і балалар. Өрттің себебі анықталуда. Оқиға орнында Ресей президенті Владимир Путин болып қайтты.
27-29 наурыз аралығында Кемерово облысында аза тұту жарияланды.
пікірлер жоқ, бірінші болыңыз
Пікір қалдыру үшін