Райан Рейнольдс бір фильмде «Галактика сақшылары» мен «Дэдпул» кейіпкерлерінің тоғысуын қалап жүр
Райан Рейнольдс бір фильмде «Галактика сақшылары» мен «Дэдпул» кейіпкерлерінің тоғысуын қалап жүр. «Сақшылардың» режиссері Джеймс Ганн бұл идеяны қолдады. Оған аса таң қалмаймыз, себебі осы айда айналыға шыққан «Кек алушылар: Мәңгілік соғыс» және «Дэдпул 2» картиналары мамыр айын мықты кейіпкерлер айына айналдырды. Райан Рейнольдс антикейіпкер-көргенсіз Дэдпул рөлінен кейін ойын-сауықтық кино хикаясындағы кейіпкерлердің ең амбициялы кездесуін құруға дайын сияқты.
Джеймс Ганн өзінің Twitter' парақшасына былай деп жазды: «Кеше ақыры маған ұнаған «Дэдпул 2» және тамаша «Кек алушылар: Мәңгілік соғыс» фильмдерін көрдім ғой. Бұл мүлдем екі түрлі фантастикалық фильм – кинематограф тірі!». Райан Рейнольдс бұл пікірге «Рахмет, Джеймс! Қиылысуды түсіреміз бе?»,- деп жауап берді. Ганн да «Иә, түсірейік», - деді. Мұндай жобаның ұзақ түсірілімді қажет ететіні анық, өйткені екі мықты кейіпкерлер франшизасының арасында үлкен айырмашылық бар.
пікірлер жоқ, бірінші болыңыз
Пікір қалдыру үшін