Режиссер Дени Вильнёв «Дюна» жобасының екі бөлімде жарыққа шығатынын растады
Режиссер Дени Вильнёв («Жүзбен жүгіруші 2049», «Келу») «Дюна» атты жаңа жобасының екі бөлімде жарыққа шығатынын растады. Вильнёвтің «Жүзбен жүгіруші 2049» атты алдыңғы жұмысы ең үлкен кассалық хит бола алмады, дегенмен әйгілі оперетор Роджер Дикинстің кешіккен бағасына ие болып, «Оскардың» бес аталымын және екі жеңісін иеленген болатын. Бұл таспа режиссердің беделіне біраз жұмыс істеді, ол қазір «арманындағы жобасы» - Фрэнк Герберттің «Дюна» атты классикалық ғылыми-фантастикалық романының экранды бейімдеуіне дайындалып жүр.
«Дюна» жайлы әлі де көп нәрсе белгісіз. Вильнев наурызда өзінің режиссер ретіндегі мақсатының «екі фильм түсіру немесе одан да көп болуы мүмкін» дегенді айтқан еді. Ол La Presse-ге берген сұхбатында «Дюна» бейімдеуінің сөзсіз, екі бөлімге бөлінетінін растады.
«Мен бірден екі фильмді түсіргім келеді, бірақ ол қымбатқа шығып кетеді екен, сондықтан жобаны әзірге екіге бөлдік», - деді ол. Режиссер сценарийдің дайын болып қалғанын жеткізді: «Эрик Рот сценарийдің алғашқы нұсқасын жазып қойды, ол менің не қалайтынымды жақсы түсінеді. Оның үстіне, мен де оқиға хикаясымен айналыстым. Мен 2010 жылы «Өрттерді» түсірген кездегідей, шығармашылық өрлеуді сезініп жүрмін».
пікірлер жоқ, бірінші болыңыз
Пікір қалдыру үшін