Хит Леджердің әпкесі Кейт інісі туралы деректі фильмге қатысты сынға жауап берді
Хит Леджер өмірімен 28 жасында қош айтысты, нақтырақ айтқанда 2008 жылдың 22-қаңтарында о дүниеге аттанған. Өліміне ұйықтататын және тыныштандыратын дәрілерді шамадан тыс тұтынуы себеп болған. Леджердің отбасы Кристофер Ноланның «Қара жауынгер» фильміндегі Джокер рөлі үшін «Оскар» жүлдесімен марапатталған актердің өлімінен кейін оған қатысты түрлі қауесеттерді естіп жүрді. Ақырында, актер туралы шындықты жария қылатын деректі фильм түсіру көзделді.
Ақпан айының соңында «Трайбек» фестивалі кезінде фильм тұсаукесері өткен еді. Сол кезде журнал сыншысы Оуэн Гляйберман өткір пікір жазған. Ол фильмде көрсетілген көріністердің көрермен үшін үйреншікті емес екенін, нағыз бейненің жасырылып қалғандығын айтқан. Сыншының сөзінше, егер актер нашақорлыққа әес болып, достарына өлім туралы жиі айтқан болса, осылардың барлығы фильмде көрсетілуі тиіс.
Бұған Хит Леджердің әпкесі Кейт Леджер жауап берді. Ол інісінің ешқандай жаман қылықтары болмағанын, оның актер мамандығын шын жақсы көргенін, жайдары әрі көңілді адам болғанын айтты. Ол Кристофер Ноланмен, Кристиан Бэйлмен және Гари Олдманмен «Қара жауынгер» фильмінде жұмыс істегені үшін қуанышты болған және келесі бөлімдерінде де түсуді армандаған. Кейт інісінің қайтыс болатын түнінде біраз сөйлесіп, күлгендерін де жасырмады.
пікірлер жоқ, бірінші болыңыз
Пікір қалдыру үшін