«Жезөкшелер»: Дженнифер Лопез қатысатын жобамен STX айналысады
STX студиясы Дженнифер Лопез («Жанкүйер», «Көк реңктері» хикаясы) қатысатын «Жезөкшелер» жобасымен айналыспақ. Бұл жобадан жақында Annapurna Pictures студиясы бас тартқан еді. Сыбыс бойынша, Annapurna қаржылай қиындықтарға тап болып, қызу жұмыс үстіндегі көптеген болашағы зор таспалардан бас тартқан. Сонымен қатар, бұл фильмдегі негізгі рөлдердің біріне «Өте бай азиаттар» картинасының жұлдызы Констанс Вудың қатысатыны белгілі болды.
Дженнифер Лопез және актриса әрі әншімен бұрын жұмыс істеген «Жезөкшелердің» продюсерлері Элейн Голдсмит-Томас («Ұрлап әкету») пен Бенни Мединаның STX тобымен мол тәжірибесі бар. Жуырда, осы жылдың 13 желтоқсанында экранға STX түсірген «Басынан баста» романтикалық комедиясы шығады, онда басты рөлді Лопез сомдады. Сондықтан, бұл дерек Калифорнияда түсірілетін жаңа жобаны қолға алу үшін шешуші дәлел болды.
«Жезөкшелер» Уолл-стриттегі клиенттерінен өш алуға кіріскен стриптиз-клубтың бұрынғы серіктестері жайлы баяндауға дайын. Дженнифер Лопез тп басшысы Глория Санчезді сомдауға дайындалуда. Бұл фильмнің сценарийін Лорин Скафария («Ақырзаманға дос іздеймін», «Жаңадан келген қыз» хикаясы) жазды, ол сондай-ақ картинаға режиссерлік етпек.
пікірлер жоқ, бірінші болыңыз
Пікір қалдыру үшін