«Арман картасы» фильмін қолдау мақсатындағы реалити-шоу
Режиссер Мирас Төлеуханов «Демеуші іздеймін» реалити-шоуын бастады, негізгі мақсаты - «Арман картасы» фильмінің түсіріліміне қажетті қаржы жинау. Алғашқы шығарылымы YouTube арнасына шықты.
Мирас Төлеуханов – қазақстандық жас режиссер, 2013 жылы «Ілмек» қылмыстық драмасы арқылы дебют жасаған. Ол сондай-ақ, «Детектив Джонни» атты ТМД-дағы алғашқы рэп-мюзиклдің қоюшысы болған. «Арман картасы» кинотаспасы – Мирастың адамдар трансформациясына арналған кезекті жобасы. Басты кейіпкер арманға бағытталған жолда еңсеру мүмкін еместей көрінетін түрлі қиындықтарға кезігеді.
Картина түсірілімі қаржылай қиындықтарға байланысты кейінге шегеріліп келді, ақыры Мирас пен продюсер Амангелді Әубәкіров фильм бюджетін (110 мың доллар қажет) реалити-шоу арқылы жинауды ұйғарады, оған қатысатындар кинотаспаға аянбай қолдау көрсететіндерді табуы тиіс.
«Десеуші іздеймін» реалити-шоуына Кристина Ахмади, Аийда Түргенбаева және Диляра Сағындықова қатысуда, оларға үш бизнес-тренер жетекшілік етеді. Байқау шарттары бойынша, демеушілердің мол қаржысын жинай білген топ жеңімпаз атанады.
пікірлер жоқ, бірінші болыңыз
Пікір қалдыру үшін