Стивен Содерберг жаңа фильмнің түсіріліміне дайындалуда
Режиссер Стивен Содерберг («Оушеннің он бір досы», «Логан сәттілігі») продюсер ретінде келесі жобасына дайындалуда, тіпті режиссер болып қалуы да мүмкін. Содербергтің жаңа жобасы, «Қанішер ғаламшар» жанры бойынша динамикалық триллерге жатады. Таспа Скот З. Бёрнс («Жұқтыру», «Борн ультиматумы») пен Джеймс Грирдың («Көрші тыңшы», «Өзін-өзі ұстай алмайды») түпнұсқа сценарийі бойынша түсіріледі.
Әзірге бұл фильм хикаясына қатысты мәліметтер белгісіз, бірақ атауына қарап, оның қызыққа толы тосын сый болатынын бағамдай беруге болады. «Қанішер ғаламшар» атауы Содерберг шығармашылығындағы грайндхаус желісін меңзейді. Сондықтан, атауы Роберт Родригестің «Қорқыныш ғаламшарына» ұқсайтын жобаның сюжеті шынында да қызықтыруда.
Содерберг пен Грир бұрын толығымен iPhone-ға түсірілген «Өзін-өзі ұстай алмайды» психологиялық триллерімен бірге жұмыс істеген болатын. Ол триллердің концепті өте қызықты, осы аптада картинаның трейлері туралы айтқан болатынбыз. Түсірілім қаржысына қатысты сұрақтар әлі де өзекті болып отыр, Содерберг «Қанішер ғаламшарды» да стандарттан тыс кино құрылғыларға түсіретін шығар.
пікірлер жоқ, бірінші болыңыз
Пікір қалдыру үшін