«Өзін-өзі ұстай алмайды»: Стивен Содербергтің жаңа жобасына арналған дубляждалған трейлер қорқыныш ұшқынын көрсетеді
Танымал режиссер Стивен Содерберг («Жағымсыз әсер», «Оушенның он бір досы») Bleecker Street компаниясымен екінші рет серіктестік орнатты. Оның «Логандардың сәттілігі» атыс-шабыс фильмі өткен жылы күздің басында экранға шыққан болатын. Ал «Өзін-өзі ұстай алмайды» фильмінің әлемдік көрсетілімі келесі айда Берлин кинофестивалінде өтеді. Содербергтің толығымен iPhone-ға түсірілген «Өзін-өзі ұстай алмайды» атты жаңа жұмысына арналған трейлері «Тәж» хикаясының жұлдызы және «Алтын глобус» иегері Клер Фойды өз еркімен психикалық ауруханаға келген әйел бейнесінде көрсетеді.
Содерберг «Өзін-өзі ұстай алмайды» психологиялық трейлерін хоррор элементтерімен байланыстырады. Ол 5 жыл өткеннен кейін күрделі жанрға қайта оралып, 2013 жылғы «Жағымсыз әсер» фильмінің дәстүрін жалғастырады. Клер Фойдың кейіпкері өзінің қорқынышымен күресіп, оның шындық немесе жай ғана қиялының жемісі екенін түсінуге тырысады. Фильмнің сценарийімен «Тыңшы көрші» және «Сәттілік үшін сүйші» фильмдері арқылы танымал Джонатан Бернштейн мен Джеймс Грир айналысады. Олар кейіпкердің өзін аңдығандардан жасырыну үшін ауруханаға қарай жүгіргенін, ақыр соңында еркінен тыс тәжірибе үшін сонда қамалып қалғанын сипаттайтын оқиғаны мұқият көрсетеді.
«Өзін-өзі ұстай алмайды» фильмінің Қазақстандағы көрсетілімі 29 наурызға белгіленген.
пікірлер жоқ, бірінші болыңыз
Пікір қалдыру үшін