«Қасиетті жер»: Сэм Рэйми Screen Gems үшін қорқынышты фильмнің продюсері атанбақ
Сэм Рэйми («Демалма», «Полтергейст») Screen Gems үшін Джеймс Герберттің аттас романы бойынша түсірілетін «Қасиетті жер» қорқынышты фильмінің продюсері атанбақ. Жоба сценарийімен басқа танымал шебер Эван Спилиотопулос («Сұлу ару мен құбыжық», «Ақшақар мен Аңшы 2») айналысады, кейін ол жоспар бойынша, фильм түсірілімінде режиссерлік орынға жайғасады.
Ағылшын жазушысы Джеймс Герберт хоррор-жанр жазушысы ретінде жақсы танылған, оның шығармашылығын үнемі Стивен Кинг туындыларымен салыстырады. Бес жыл бұрын қайтыс болған бұл автордың кітаптарының жалпы тиражы 54 миллион данадан асып түскен.
«Қасиетті жердің» хикаясы өз беделін жоғалтқан журналист жайлы баяндайды, ол мамандығына сенсацияның көмегімен оралуды ұйғарады. Ол Жаңа Англияның кішігірім қалашығының бірінде бір қарағанда түсініксіз ғаламат жағдайда туындаған ғажайыпты байқайды. Алайда, жақын арада сол «ғажайыптың» артында шындығында түнекке толы дүниенің барын түсінеді.
пікірлер жоқ, бірінші болыңыз
Пікір қалдыру үшін