«Коко құпиясы»: тірілер әлемі. Үшінші жыр
Санта-Цецилия қалашығы шынайы мекикалық ауылдарға толы. Музыканың қамқоршысы Әулие Сесилияның құрметіне аталған Санта-Цецилия қалашығы Мигельдің және Ривера тегінен басталатын отбасының туған жері болып табылады. Ол кішкентай ғана қалашық болғанымен, әлемге әйгілі.
Бұл қала Мексикаға тарихтағы танымал музыкантты сыйлады. Оның үлкен сахнаға бағытталған қадамы осы кішкентай қалашықтан бастау алды. Көп жыл бұрын Эрнесто де ла Крус жұлдыз атанып, бүкіл әлемнің махаббатына бөленді. Сол үшін Мексиканың барлық музыканттары Санта-Цецилияға келіп, пір тұтқан адамына бас иеді. Эрнесто көп жыл бұрын қайғылы оқиғадан кейін, қайтыс болса да, даңқы ел есінде мәңгіге сақталды.
Санта-Цецилия – ескі қала, ол жақта Мигель отбасының көптеген әулеттері тұрған. Мұнда жүздеген жөндеулердің куәсі болған, бірнеше қабатпен қапталған кірпіш ғимараттар бар. Көшелері жаңадан төселген. Бір ақау жоқ, тұрғындардың өз қалаларын ерекше жақсы көретіні білінеді.
«Коко құпиясы» фильмінің суретшілері көне ғимараттардың тамаша текстурасын бейнеледі, құйылған сылақтар, қолмен боялған тақтайшалар, ескі жазулар мен төселген көшелер сынды элементтерді пайдаланып, қалашықтың ыңғайлылығын көрсетуге тырысты.
Оператор Даниэлл Файнбергтің сөзінше, картина авторлары Санта-Цецилияны Өлілер әлемінен өзгеше көрсетуді жөн санаған. Бірақ, Мигельдің туған қаласының бояуын айнытпауға тырысқан. Ақыры, суретшілер бояуларды бәсеңдетудің орнына, ұзақ жылдар бойы күнге қақталған жарқын бояулар эффектін жасады.
Экранда пайда болатын әр локация архитектуралық ерекшеліктерді, жиһаз бен реквизитті қоса отырып, қайтадан жасалған.
Тірілер әлеміндегі кейіпкерлер шынайы адамдар негізінде суреттелді, олардың барлығымен картина авторлары саяхат кезінде танысқан. Мигельдің айналасында жанұясы болды, оның ағалары мен тәтелері, немере ағалары мен әпкелері, апасы мен апасының апасы бар.
«Коко құпиясы» 23 қарашадан бастап Қазақстандық айналымда.
Фильмнің Қазақстандағы ресми таратушысы - Meloman Entertainment компаниясы.
пікірлер жоқ, бірінші болыңыз
Пікір қалдыру үшін