«Коко құпиясы»: де ла Крус жанұясының құпиясы. Бірінші жыр
Pixar анимациялық студиясының «Коко құпиясы» атты он тоғызыншы толықметражды картинасы жас әнші әрі гитарашы Мигельдің хикаясын баяндайды, ол өзі пір тұтатын, Мексика тарихындағы ең танымал әнші Эрнесто де ла Крустың жолымен жүруді армандайды. Бірақ, Мигельдің отбасы музыкаға тыйым салған, жанұяның ересектері ұрпақтарының муызкамен айналыспағанын қадағалаумен болады, ереже бойынша үйде бірде-бір нота ойналмауы керек. Көп жыл бұрын ата-әжелерінің арасында кикілжің болған: әжесі отбасының туған қалалары Санта-Цецилияда өмір сүргенін қалады, ал атасы арманынан бас тарта алмай, әйгілі музыкант болу үшін туған жерін тастап кетеді. Содан кейін, Мигельдің әжесі Имельда музыканы өмірінен түбегейлі сызып тастаған, ұрпақтарының барлығы осы ережеге бағынатын. Мигель отбасылық құпияны және Эрнесто де ла Крустың ұрпағы екенін білген соң, бұл жаңалықты туыстарына жеткізуге асығады, музыкант болуына қарсы болмайтынынан үміттенеді. Бірақ, мұның барлығы жағдайды одан әрі ушықтыра түседі.
Мигельдің қызба әрекеттері ғажайыпқа толы болады, ол Өлілер әлемінен келгендерге ғана көрінетін рухқа айналады, «Өлілер күні» (Día de los Muertos) мерекесі қарсаңында, Өлілер әлеміндегілер ұрпақтарына қонаққа келеді екен. Мына әдемі әлем Тірілер қатарынан қайтқандарға толы. Арасында Мигельдің ата-бабалары да бар, олар Мигельді бірден танып, көмектесуге тырысады, бірақ өмір бойы музыкамен айналыспауға қатысты шарт қояды. Алайда, Мигельге бұл тиімді емес, сондықтан Гектор қаңқамен өз күшін біріктіреді де, Эрнесто де ла Крусты іздеуге аттанады. Екеуінің ойынша, ол Мигель жанұясының музыкаға деген қарсылығын тоқтатып, Мигельге Тірілер әлеміне оралуға көмектеседі.
Режиссёрлар Ли Анкрич («Ойыншықтар хикаясы 3») пен Эдриан Молинаның («Құбыжықтар Университеті») фильмінде «Оскар» жүлдесінің иегері, композитор Майкл Джаккиноның («Жоғары қарай», «Жұлдыздар соғысы») музыкасы шырқалады.
«Коко құпиясы» 23 қарашадан бастап, Қазақстандық айналымда.
Фильмнің Қазақстандағы ресми таратушысы Meloman Entertainment компаниясы болып табылады.
пікірлер жоқ, бірінші болыңыз
Пікір қалдыру үшін