Торонто-2018: Netflix-тің «Заңнан тыс патшасы» ашылу фильмі болмақ
6 қыркүйек күні Торонтодағы 43-ші Халықаралық кинофестивальдің ашылу фильмі Netflix стримингті қызметінен режиссер Дэвид Маккензидің («Қалай да», «Жердегі соңғы махаббат») «Заңнан тыс патшасы» болмақ. Бұл желілік алып Франциядағы Канн фестивалін жіберіп алды, бірақ Канадада бірден жаңа жеті жобасын таныстырмақ. Алғаш рет Netflix-тің таспасы осындай ең маңызды кинофорумды ашады.
Дэвид Маккензи «Заңнан тыс патшада» соғыс көріністеріне толы XIV ғасырдағы ортағасырлық Шотландия тарихынан сыр шертеді. Сол уақытта мемлекет патшалары Роберт Брюстің арқасында ағылшын билігінен тәуелсіздікке ие болды, оның рөлін Крис Пайн («Уақыт қалтарысы», «Ғажайып әйел») сомдады.
«Заңнан тыс патшадан» бөлек, Netflix Торонтода қоюшы Джереми Солньенің («Жасыл бөлме», «Нағыз детектив» хикаясы) «Түнекті ұстай тұр» триллерін таныстырады, оны сценарийдің қосалқы авторы әрі жазушы Деннис Лихейн «түнектің жүрегіне ұмытылмас саяхат жасау» деп айтқан. Солньенің бұл жұмысы Аляскада ұрланып, сұмдық жағдайда өлтірілген үш баланың тергеуі жайлы баяндайды.
пікірлер жоқ, бірінші болыңыз
Пікір қалдыру үшін