«Ритм-секция» тыңшылық атыс-шабыс фильмі түсірілімінің тоқтатылуына Блейк Лайвлидің қолынан алған жарақаты себеп болды
Paramount компаниясы режиссер Рид Мораноның («Жақындарыңды өлтір», «Винил» хикаясы) «Ритм-секция» тыңшылық атыс-шабыс фильмінің түсірілімін тоқтатты. Түсірілім тобы өткен жылдың желтоқсанында түсірілім алаңында қолынан жарақат алған фильмнің бас кейіпкері Блейк Лайвлидің («Таяз», «Сені ғана көремін») толық жазылғанына дейін таратылды. Жарақат күткендегіден әлдеқайда ауыр болды, сондықтан бірнеше айға үзіліс жасалды.
Лайвли экшн эпизодтарының бірінде білегін жарақаттап алған. Морано «Ритм-секцияны» болжамды франшизаның алғашқы фильмі ретінде түсірмек. Жобаның продюсерлері - Джеймс Бонт туралы фильмдермен танылған Барбара Брокколи («007: СПЕКТР», «007:«Скайфолл» координаттары») және Майкл Дж. Уилсон («Қайырылымдылық кванты», «Рояль ойынханасы»).
Блейк Лайвлидан басқа «Ритм-секцияның» тағы бір жұлдызы - Джуд Лоу («Артур патшаның қылышы», «Данышпан»). Таспаның сюжеті Марк Бернеллдің тыңшылар туралы романына негізделген. Лайвли отбасын жұмбақ ұшақ апаты кезінде жоғалтқан әйелдің рөлін сомдайды. Paramount картинаны 2019 жылы 22 ақпанда ауқымды халықаралық айналымға шығаруды жоспарлап отыр.
пікірлер жоқ, бірінші болыңыз
Пікір қалдыру үшін