«Қанішер 2. Барлығына қарсы»: Джош Бролин мен Бенисио Дель Торо соғыс бастады
«Қанішер 2. Барлығына қарсы» танымал атыс-шабыс фильмінің соңғы трейлері бүгін ұсынылды. Керемет ролик ырғақты ұстап тұр және барлық назарды тамаша экшнға аударады. Джош Бролин («Дэдпул 2», «Кек алушылар: Мәңгілік соғыс») және Бенисио Дель Торо («Туа бітті ақау», «Галактика сақшылары») өз міндеттеріне кірісіп, соғыс пен аласапыранды бастады.
«Қанішер 2. Барлығына қарсы» жалғасында экранды оқиғаның жаңа бөлімі ашылады. Есірткі саудасымен айналысатындардың соғысында ешқандай ереже болмайды. Мексикандық картельдер Америка шекарасы арқылы лаңкестермен сауда жасай бастайды. Федеральды агент Мэтт Грэйвер (Джош Бролин) ережесіз соғысты бастау үшін жанұясы картельдің басшылығымен өлтірілген жұмбақ Алехандродан (Бенисио Дель Торо) көмек сұрайды. Алехандро жағдайды шиеленістіру үшін бастықтарының қызын ұрлап әкетеді. Осыдан кейін, екі қатігез еркек өздері күресіп жатқан нәрсеге күмәнмен қарауға мәжбүр болады.
«Қанішер 2. Барлығына қарсы» атыс-шабыс фильмі ауқымды айналымға 2018 жылдың 28 маусымында шығады.
пікірлер жоқ, бірінші болыңыз
Пікір қалдыру үшін