«Марвеннің ғажайып әлемі»: Роберт Земекис Стив Кареллды миниатюралардың фантастикалық әлеміне жіберді
Роберт Земекистің соңғы екі фильмі «Одақтастар» мен «Қыдыру» күткеннен де аз жүлделер мен марапаттарға ие болды. Бірақ, Universal Pictures студиясы сүйікті режиссерге деген сенімін жоғалтпай, Земекистің «Марвеннің ғажайып әлемі» жаңа фильмінің трейлерін ұсынды. Бұл таспа режиссер Джефф Малмбергтің 2010 жылғы «Марвенкол» деректі жобасындағы хикаяларға негізделген. Роберт Земекис Стив Кареллді («Жыныстылар шайқасы», «Ақсүйектер өмірі») миниатюралардың фантастикалық әлеміне жіберді. Фильмдегі оқиға шынайы өмірде және арнайы құрылған қаланың кіші көшірмесінде өрбиді.
«Марвеннің ғажайып әлеміндегі» хикая шынайы еркек Марк Хогэнкэмптің өмірі жайлы баяндайды, оның рөлін Стив Карелл сомдайды. Бес еркек Маркты өлгенше сабаған, ол тоғыз күн комада, 40 күн ауруханада жатып шығады. Шабуылдың нәтижесінде Хогэнкэмп миынан көптеген зақым мен психологиялық жарақат алды. Басынан өткен оқиғадан арылу үшін ол өз үйінің ауласындағы Екінші дүниежүзілік соғыс уақытындағы ірі қаланың көшірмесін жасауға кіріседі. Марк Хогэнкэмп бұл қаланы өзінің, достарының, сүйікті қыздарының, тіпті өзіне шабуыл жасағандардың қуыршақтай көшірмесімен толтырады.
«Марвеннің ғажайып әлемі» өмірбаяндық драмасы 2018 жылдың 21 қарашасында айналымға шығады.
.jpg)
пікірлер жоқ, бірінші болыңыз
Пікір қалдыру үшін