«Мыстандар»: Роберт Земекис Роальд Даль кітабының экрандауымен айналысады

19 Маусым, 2018
BrodKaz
1 140
0

Режиссер Роберт Земекис («Одақтастар», «Қыдыру») Warner Bros. студиясымен Роальд Дальдың 1973 жылғы «Мыстандар» классикалық романының экрандауына қатысты соңғы келіссөз жүргізіп жатыр. Роальд Даль ең алдымен жас көрермендер мен оқырмандарға жақсы таныс «Чарли және оның шоколадты фабрикасы» және «Үлкен әрі ақкөңіл алыпты» жазған. Ол Голливудтағы ең көп экрандалатын авторлардың бірі болып табылады.

Земекис өзінің тұрақты авторласы, сценарист Джек Рэпкпен бірге балаларға арналған детективті хикаяның экранды бейімдеуімен айналысады. Ұзақ уақыт бойы «Мыстандардың» түсірілімімен басқа танымал режиссер Гильермо дель Торо айналысады деп жоспарланған, бірақ «Оскар» иегерінің жұмыс кестесі тығыз болғандықтан, ол басқа жобалармен айналыса алмады.

Бұрын 1990 жылы Warner Bros. басты рөлдердің бірін Анжелика Хьюстон сомдаған «Мыстандардың» экранды бейімдеуін жасаған еді, бірақ Земекистің нұсқасы Роальд Дальдың түпнегізгі материалына барынша жақын болмақ. Кітап сюжеті ортамызда өмір сүретін нағыз мыстандармен бетпе-бет кездесетін жеті жасар бала туралы баяндайды. Олар балаларды жек көреді, сондықтан оларды құртудан ләззат алады. Бақытқа орай, кейіпкердің мыстандар туралы барлығын білетін апасы бар. Алайда, балақай бір күні Ең Басты Мыстанмен жолығады...