«Вайнштейн кінәсіз»: Венеция фестивалінің қызыл кілемшесінде голливуд продюсерінің жақтаушысы пайда болды
Венеция фестивалінің қызыл кілемшесінде даулы голливуд продюсерінің жақтаушысы пайда болды. Кроссовка мен джинсы киген итальяндық режиссер Лучано Силинини Гараньяни «Вайнштейн кінәсіз» деген жазуы бар кеудешемен көрінді. Ол барлығына күлімсірей қараған актер Паоло Ривамен бірге жүрді. Бір жағынан акция жақсы ойластырылған күлкілі PR болып көрінді. Мұның барлығы сенбі күні Лук Гуаданьиноның «Суспирия» хоррорының алдында болған. Сол күні Венеция Дакота Фаннинг, Тильда Суинтон, Кейт Бланшетт және Хлою Грейс Морец сынды көптеген жұлдыздар жүріп өткен ең сәнді қызыл кілемшеге айналды.
Гараньяни көптеген фотографтарға суретке түсті. Режиссер итальян саясаткері, бұрынғы премьер-министр Сильвио Берлусконидің жақтаушысы болып табылады, оның жанарынан Вайнштейннің сексуалды жүрістері өшкен болатын. Паоло Рива «Екеуіміздің біреуіміз» жобасында Берлускониді сомдайды. Таспа бұрынғы премьердің әлі жарияланбаған, көркемделген өмірбаянына негізделген. Жақында Венеция кинофестивалі гендерлік теңдік мәселесін шешуге атсалысуға қарсылық танытқаны үшін айыпталған болатын (биылғы байқауда тек бір фильмді ғана әйел түсірген).
пікірлер жоқ, бірінші болыңыз
Пікір қалдыру үшін