«Жесірлер»: Виола Дэвис құрбыларымен бірге бастаған істі аяқтайды
20th Century Fox студиясы режиссер Стив МакКуиннің («12 жылдық құлдық», «Ұят») «Жесірлер» қылмыстық драмасының жаңа трейлерін таныстырды. Виола Дэвис («Дуалдар», «Өзін-өзі өлтірушілер тобы») тамаша әйелдер тобымен бірге бұрын өлтірілген күйеулерінің бастаған ісін аяқтауға кіріседі. Бұл жесірлер барлығын өздері шешкісі келеді және «соңғы бір жұмысқа» шығады.
Стив МакКуиннің жұмысы ТВ-ге 30 жыл бұрын шыққан «Жесірлер» аттас британдық телехикаяның экранды бейімдеуі болып келеді. Жаңа жобаның сценаристі ретінде жазушы Гиллиан Флинн («Жоғалып кеткен», «Өткір заттар» хикаясы) жұмыс істеді, бұл қосымша шиеленіс туғызады, себебі Флинн өзгелерден ерек, сюжетті қиыстырып, қылмыстық оқиғаларға баса назар аударта алады.
Тұсауы қыркүйекте Торонтоғы фестивальде кесілетін «Жесірлер» үшін сенімді актерлік құрам жиналды, ол жақта «Оскар» иегері Виола Дэвистен бөлек, Мишель Родригес («Форсаж», «Мачете өлтіреді»), Синтиа Эриво («Туннель» мен «Селфридж мырза» хикаялары) және Элизабет Дебики («Кловерфилд парадоксы», «Галактика сақшылары») бар. Бұл төрттік белдемшедегі ессіз гангстерлерге мүлдем ұқсамайды, оның үстіне олардың жоспарлары бар және олар марқұм күйеулерінің көптеген дұшпандарымен мәңгіге есеп айырысуға тырысады.
«Жесірлер» қылмыстық драмасы 2018 жылдың 22 қарашасынан бастап айналымға шығады. Афишамызды қарап жүріңіздер.
.jpg)
пікірлер жоқ, бірінші болыңыз
Пікір қалдыру үшін