«Ұлы теңестіруші 2»: алғашқы дубляждалған трейлерде Дензел Вашингтон өз жұмысына кірісті
Sony Pictures студиясы 2014 жылы сәтті шығып, әлемдік айналымда шамамен 200 миллион доллар жинаған «Ұлы теңестіруші» атыс-шабыс фильмінің жалғасына арналған алғашқы трейлерді жарыққа шығарды. Қылмыстық экшн жанрында түсірілген фильмнің франшизасы төрт маусымнан тұратын 80-жылдардағы аттас телехикаяға негізделген.
«Ұлы теңестіруші 2» картинасындағы басты рөлді «Оскар» жүлдесінің екі мәрте лауреаты Дензел Вашингтон сомдайды, бұл оның мансабындағы бірінші сиквел. Бұл - өз бетінше әділдік орнатуға тырысқан бұрынғы ОББ (ЦРУ) агенті Роберт Маккола оқиғасының жалғасы. Таспамен режиссер Антуан Фукуа («Жаттығу күні», «Ғажайып жетілік») айналысты. Қалған негізгі рөлдерді Педро Паскаль («Kingsman: Алтын сақина»), Билл Пуллман («Тәуелсіздік күні», «Ұлы теңестіруші»), Мелисса Лео («Жауынгер» фильмі үшін «Оскар» жүлдесіне ие болған) сомдады.
«Ұлы теңестіруші» қылмыстық экшны Meloman Entertainment компаниясының таратуымен 2018 жылдың 13 қыркүйегінен бастап айналымға шығады.
.jpg)
пікірлер жоқ, бірінші болыңыз
Пікір қалдыру үшін