Венеция-2018: негізгі байқау аясында «Біздің уақыт» драмасы көрсетілді

6 Қыркүйек, 2018
BrodKaz
1 393
0

Венеция фестивалінің негізгі байқау аясында мексикандық режиссер Карлос Рейгадастың («Түнектен кейінгі жарық», «Төңкеріс, мен сені сүйемін!») «Біздің уақыт» драмасы көрсетілді, бұл таспа үш сағаттық сабынды операның артхаусты нұсқасы. Маңызды ұзақтығына қарамастан, Рейгадас халықтың ішін пыстырмауға тырысты.

«Біздің уақыттағы» оқиға шайқасқа дайын бұқалар мен аттарға толы мексикалық ранчода өтеді және Рейгадас таспасының осындай біртүрлі жануарлар қауымына ұқсайтыны сөзсіз. Қиялға толы және өте шикі фильм бір нәрсесі дұрыс болмайтын махаббат үштігін қарастырады. «Біздің уақыт» суперұзақ экранды нұсқа ретінде рәсімделмегенде, Карлос Рейгадастың жобасы мазмұны жағынан ең қолжетімді болар еді.

«Біздің уақыттағы» басты кейіпкер Хуан (Карлос Рейгадастың өзі) жануарларды өсірумен айналысады, ал әйелі Эстер (Наталия Лопес) бүкіл ранчоны басқаруды өз қолына алған. Бір-бірін сүйетін екі жұптың қарым-қатынастарын ретке келтіріп алғаны лезде түсінікті болады. Эстер ранчоға көмекші ретінде жұмысқа алынған еркекке қызығады. Барлығы өте жылдам бақылаудан шығып кетеді, құштарлық өрши түседі.

Тіпті, бұл жолы Рейгадастың әңгімесі махаббатқа мас болып, сол үшін барлық шекараны бұзуға дайын түсінікті кейіпкерлерімен ерекшеленсе де, «Біздің уақыт» көрермендер үшін қызықты болады. Әсіресе, басқа адамның махаббатын иеленуге барынша тырысып, өзінің сүйікті емес күйеуімен бірге жасаған тұрақсыз әлемін толығымен құртуға дайын Лопес кейіпкерінің арқасында фильм көруге тұрарлық. Дегенмен, махаббаттан, барлығынан шаршаған Рейгадас кейіпкері ақылынан адасатын жағдайға жеткенде, күлкіңді тыю мүмкін емес. Хуан өзі әлі де сүйетін әйелдің ашық сатқындығына таң қалғандықтан, көңілдестеріне қарсы тұруға мәжбүр.

Рейгадас «Біздің уақытта» жасаған трюктер арқылы шиеленіске толы сценарийімен қызығушылық танытып, осылайша көрермендердің шыдамдылығын сынап, таң қалысын тудырады. Деректі кино мәнерінде көрсетілген әдеттегі ахуал мелодраматикалық кілтте эмоционалды түрле күшейе түседі. «Біздің уақыт» барлығына барынша ұнауға тырысқан таспаларға ұқсамайды, бірақ бұл картина негізгі қызығушылық тудыратын қарапайымдылығымен тарта түседі.