Юрий Померанцевке ең жоғары дәрежелі «Қазақстанның Еңбек Ері» атағы табысталды
Қазақ КСР-нің халық әртісі, аты аңызға айналған театр және кино актері Юрий Померанцевке ең жоғары дәрежелі «Қазақстанның Еңбек Ері» атағы табысталды. Дәреже үкіміне қатысты бұйрыққа Қазақстан президенті Нұрсұлтан Назарбаев қол қойды.
Юрий Померанцев 1923 жылы Киевте дүниеге келген, ал біраз уақыт өткен соң оның отбасы Қарағандыға қоныс аударады. Әкесінің қазасынан кейін оған және оның анасына Мәскеуге көшуге тура келді және сол жақтан майданға аттанды. Ауыр жараланғаннан кейін, 1943 жылы Юрий Борисов өзінің актерлік мансабын бастаған Алматыға келеді. Актер театр және кинода бір емес ондаған рөлдерді сомдады. Дегенмен, көрермендер оны Шәкен Аймановтың «Біздің сүйікті дәрігер» кинотаспасындағы бас кейіпкер Анатолий Лавров арқылы танып, жақсы көріп кетті.
Биыл 11-ақпанда отандық актер Юрий Померанцев 95 жасқа толды.
Айта кетейік, ең жоғарғы «Қазақстанның Еңбек Ері» дәрежесі еліміздің экономикалық, әлеуметтік-гуманитарлық дамытудағы аса үздік жетістіктері үшін беріледі. «Қазақстанның Еңбек Ері» атағына ие болған адамдарға айрықша ерекшелік белгісі – Алтын жұлдыз және «Отан» ордені тапсырылады.
1 пікір
Пікір қалдыру үшін
Maxim Bogomolov
7 мамыр 2018, 23:52Поздравляем!