Йоргос Лантимостың «Сүйіктісінің» заңды триумфы
Жексенбі күні Йоргос Лантимостың «Сүйікті» таспасы британдық тәуелсіз кино (BIFA) жүлделерінің саны жағынан триумфатор атанды. Таспа 10 жүлдеге ие болған, соның ішінде үздік фильм, үздік сценарий және үздік режиссура үшін алған марапаттары бар. Оливия Колман Анна патшайымның рөлі үшін үздік актриса атанса, Рэйчел Вайс Лантимостың жұмысының арқасында екінші қатардағы үздік актриса деп танылды.
Джо Коул Жан-Стефан Совердің «Ережесіз жекпе-жек» фильміндегі үздік ер адам рөлі үшін BIFA жүлдесіне ие болса, Алессандро Нивола былтырғы «Оскар» иегері Себастьян Лелионың «Бағынбаушылық» таспасында екінші қатардағы үздік актер атанды. Венеция фестивалінде Алтын арыстанға ие болған Альфонсо Куаронның «Рома» таспасын да сәттілік күтіп тұрды, ол BIFA нұсқасы бойынша үздік халықаралық жоба деп танылды.
Дебюттер арасында BIFA жүлдесіне «Рэй мен Лиз» драмасының режиссері Ричард Биллингэм және оның продюсері Жак Дэвис, «Американдық жануарлардың» сценаристі Барт Лэйтон мен Майкл Пирстың «Аңдарында» рөл сомдаған, көп үміт күттіретін жас Джесси Бакли ие болды.
пікірлер жоқ, бірінші болыңыз
Пікір қалдыру үшін