Олжас Ермекбаевтың жазбалары
Жас режиссер Олжас Ермекбаев «Враги» картинасымен осы жылы бірден екі ірі кинобайқауға: Канн фестивалі мен «Кинотавр» фестивальдеріне қатысты. Олжас өзінің байқаулардан алған әсері туралы «Бродвеймен» бөлісті.
«Враги» фильмі Short Film Corner секциясы бойынша қатысты. Көпшілік мұны байқау деп ойлайды. Шын мәнінде бұл секцияда барлық көрермендерге арналған фильмдердің тізімі ілінеді. Бұл қысқа метрді сатып алғысы келетін дистрибьюторлар үшін әдейі жасалған. Егер оларға бірдеңе ұнап жатса, автормен байланысу үшін мекен-жайын, байланыс нөмірлерін жазып алады да, жарты жылдың ішінде хабарласады», - дейді режиссер. – «Канн кинофестивалі – бұл жас кинематографистер үшін жақсы тәжірибе. Менің өзіме түтіп алғаным, киноны түсіріп жатқанда-ақ оның сатылымы турады ойлану керек екен. Кез-келген киноны сатуға болады, ең бастысы стратегия болу керек. Маған фестивальдегі кинонарық тұнады, онда қатысушылар өз елдерінің павильондарын таныстырады. Егер киноөндірісте мемлекет әлсіздеу болса, олар басқа қызметтерін ұсынады, айталық инвестиция тарту секілді», - дейді Олжас.
Ермекбаев бірнеше байқауға қатсытаны фильмдердің көрсетілімне және басты рөлде Роберт Де Ниро ойнайтын «Каменные кулаки» фильмінің тұсаукесеріне қатысқанын айтты. Де Нироның Каннда таныстырылған фильмдерінің үзінділерін көрсеткенде керемет сезімде болдым. Фестиваль директоры Тьерри Фремо былай деді: «Роберт Де Ниро, Канн бұл сіздің екінші үйіңіз. Біз қашанда сізді күтеміз». Бұл актерге деген құрмет кеші болды, тіпті актердің өзі көзден жас алды», - деп еске алады Олжас.
Олжас Ермекбаев және Рашид Нұғманов
« Мен Каннға тек фильмдерді көру үшін ғана емес, кинонарықты білуге, киноөндіріс саласының адамдарымен танысуға бардым. Ең қызығы сол қазақстандық режиссерлер Рашид Нұғмановпен және Анар Мүсреповамен танысуым маған ең пайдалы болды. Сол жақта жасасқан арамыздағы келісімді жүзеге асырамыз деп үміттенемін. Оқуды аяқтауыма аз қалды, жақында жұмысқа кірісемін. Жақын болашақта ірі дүние түсіремін деп ойлаймын. Менің Каннға баруыма қолдау білдірген ҚР Мәдениет және спорт министрлігіне алғысымды айтамын», - деді режиссер.
«Кинотаврда» «Враги» қысқаметражды кино байқауына қатысты: «Мен үшін бұл фестивальға қатысу өте маңызды болды, өйткені мен бірінші курстан бері Ресейдің осы кинобайқауға қатысуда армандадым. Өкінішке орай, біздің топ ешқандай жүлдеге ілікпедік, бірақ мен үшін қатысуымның өзі қуаныш, ірі байқауға қатысқаным үшін де аздап марқайып жүрмін», - деп аяқтады сөзін Олжас Ермекбаев.
Тақырып бойынша:
пікірлер жоқ, бірінші болыңыз
Пікір қалдыру үшін