«Терезедегі әйел»: Эми Адамстың серіктесі Гэри Олдман болады
Биылғы «Оскардың» иегері Гэри Олдман («Тау», «Күңгірт кезеңдер») Fox студиясының «Терезедегі әйел» психологиялық триллеріндегі басты рөлге бекітілді және оның серіктесі Эми Адамс («Өткір заттар» хикаясы, «Әділдік одағы») болады. Фильм режиссері - Джо Райт («Пэн: Нетландияға саяхат», «Анна Каренина»), Олдман оның Екінші дүниежүзілік соғыс жайлы «Күңгірт кезеңдер» драмасында Уинстон Черчилль рөлін сомдаған. Сценарист Трэйси Леттс («Тамыз», «Қанішер Джо») А. Дж. Финнің (Даниэля Мэллори) аттас романы бойынша экранды бейімдеу дайындады, ол роман New York Times бестселлерлер тізімінде №1 болып дебют жасап, былтырғы жылдың ең көп сатылған туындысы болып қалған.
«Терезедегі әйел» фильміндегі хикая балалар психологы Анна Фокс (Эми Адамс) жайлы баяндайды, ол Нью-Йорктегі жеке үйінде төрт қабырғада өз еркімен өмір сүретін әйел. Ол көшеге шығуға қорқады, ашық тұрған есіктер мен ашық кеңістіктерден қорқады. Өйткені, агорафобиямен ауырады. Анна күндіз шарапханада жүреді және күнін ескі кинофильмдерді көрумен өткізеді. Ол бақытты күндерін есіне алып, ғаламтор арқылы сөйлеседі. Аннаның тағы бір ермегі – көршілерін аңду, бір күні ол жаңа көршілері Гэри Олдманның кейіпкеріне қатысы бар сұмдық қылмыстың куәгері болады.
«Терезедегі әйел» психологиялық триллері 2019 жылдың 24 қазанынан бастап айналымға шығады. Афишамызды қарап жүріңіздер.
.jpg)
пікірлер жоқ, бірінші болыңыз
Пікір қалдыру үшін