Жюльет Бинош: «Самал Еслямова үшін қуаныштымын»
Француз актрисасы Жюльет Бинош Қазақстанға 29 маусымға дейін созылатын II бүкіләлемдік «Астана» театр фестиваліне келді. Әлемдік жұлдыз астана тұрғындары мен қонақтарына қазақ ақыны Қасым Аманжоловтың өлеңдерін оқып береді, деп хабарлайды Tengrinews.kz.
Жюльет Бинош журналистермен кездесу барысында 71-ші Канн кинофестивалінің жеңімпазы Самал Еслямова үшін қуанышты екенін жеткізді.
«Қазақ ақыны Қасым Аманжоловтың поэзиясын ұсынамын және «Қара көздер» атты белгілі өлеңін оқимын. Сондай-ақ, сіздің елдеріңіз үшін, отандастарыңыз Самал Еслямованың Канндағы үлкен жеңісі үшін қуаныштымын», - деді актриса.
Сонымен қатар, қонақ Астананың архитектурасына және тұрғындарының жайдарлығына тамсанды.
«Ең алғашқы әсерім өте жақсы. Маған елдеріңіз үлкен сияқты болып көрінді. Жан-жағымда сән мен үлкен кеңістік байқалады, халық өте қонақжай, күлімдеп қарсы алып, жақсы көзқарас танытады. Мықты заманауи архитектураны байқадым. Осындай заманауи, сәнді әрі серпінді астаналарыңызға қызыға әрі қызғана қараймын», - деп қоса кетті Жюльет Бинош.
Айта кету керек, 54 жасар француз актрисасының жүлделер қоржынында «Ағылшындық емделуші» картинасындағы екінші қатардағы үздік әйел рөлі үшін алған «Оскары» мен «Көшірмесі дұрыс» таспасындағы ойыны үшін Канн кинофестивалінен алған пальма бұтағы бар.
Превью: Tengrinews.kz
.jpg)
пікірлер жоқ, бірінші болыңыз
Пікір қалдыру үшін