«Малибу құтқарушылары» фильмінің жұлдызы Зак Эфрон сериялық қанішерді сомдайды
Канн кинонарығының аясында «Малибу құтқарушылары» фильмінде ойнайтын Зак Эфронның 70-жылдардағы танымал сериялық қанішер Тед Банди туралы «Аса қауіпті, өте ашулы және жиіркенішті» («Невероятно опасный, шокирующе злой и отвратительный») көркем фильмінде басты рөлді сомдайтыны белгілі болды.
Сюжет желісі бойынша қанішер туралы оның 7 жыл достасқан қызы Элизабет Клёпфер айтып береді. Бойжеткен қылмыс үстінде жігітін ұстап алмаса да, үнемі сезіктеніп жүрген. Сондықтан, бірнеше рет полицияға да хабарласқан.
Қазіргі таңда бұл жобаны Канн кинонарығында «Voltage» кинокомпаниясы таныстырып жатыр.
Зак Эфрон негізінде комедия мен мелодрамалардағы рөлдері арқылы танымал. Алдағы уақытта көрсетілетін Тед Банди туралы фильм актердің драмалық киноларының бірі болмақ.
Тед Бандидің өзі АҚШ-та 1974-1978 ж.ж. аралығында танымал болған сериялық қанішер. Ол «Қозылар үнсіздігі» («Молчания ягнят») фильміндегі Буффало Билл мен Ганнибал Лектордың прототипі іспеттес. Оның құрбандарының саны 26 адамнан бастап, жүзге дейін жеткен. Банди сүйкімді әрі тартымды жас жігіт болған. Сондықтан, құрбандарының сеніміне оңай кіретін. Ол негізінде жас қыздарды өлтірген. 1989 жылы қанішерді дарға асты.
пікірлер жоқ, бірінші болыңыз
Пікір қалдыру үшін